[حسين البلوشي]

قصيده قديمه من ارشيفي


ابعدي جرحك طويته مع سجلات الورق

ارحلي قدرك نثرته مع نسانيس الهبوب

اغسلي جرحك بدمي وانزفي الذكرى ارق

وأمسحي خلفك بقايا طهريني من الذنوب

ألبسي ثوب الخيانه وأنزعي شالك عتق

أحرقي باقي الرسايل واشعلي نار الحروب

أمتطي ظهر السحابه واختفي بين الشفق

واتبعي شمس الجروح اللي تهاوت فالغروب

انسي اللي بك يعاني انسي اللي بك غرق

وانسي اللي من سنه كنه على النار محطوب

انسي اللي سال جرحه واحمر(ن) دمه غمق

انسي اللي ذاب قلبه وما لقى غير الهروب