.
.
دام الحياه اسرار ﻻ تفضح بيوت
يا لسان شعري ﻻ تجيب الخطيه
خلنا نضم كروت ما نحرق كروت
هذا الزمن يا صاح فيه البليه
السر له تابوت و البوح تابوت
البير دلوه لي يفت الوصيه
الحب ؛ غزوه و الصدر ؛ ساحة الموت
العين ؛ فارس يعتزي بالحميه
يطلق سهامه حب في صدرك " تفوت "
يقتل لك الاحساس و الروح حيه
سرك بقى ما بين الاضلاع منحوت
يا حرف فكري ﻻ تجيب الشقيه
سيفي لساني ما اخليه مفلوت
ﻻ تسحبه اسيوفي ايادي خفيه
ما كل لحيه تعتبر لغم موقوت
بعض اللحايا بالمعزه غنيه
السر لو خليته ف أيد " سربوت "
ايديه مخشوفه و دائم خليه
سنيار بانمشي على وزن البيوت
في بحر مسحوب ن بروحه وجيه
دام الحياه اسرار ﻻ تفضح بيوت
يالسان شعري ﻻ تجيب الخطيه
من بعد ما ذقنا من التين والتوت
احفظ شرف وجهك وانسى القضيه
.
.