مقصب من الوالد خميس بنب عامر الداودي لابنه سالم بن سعيد المحيجري
بتاريخ11/8/2017
ياطارشي سير بسراعك يادليل
با حملك كتابي صونه وحفله
اوصل على سالم وحزرك لا تعيل
سالم سعيد وبالاسم لا تغفله
بتشوف بيته شرقي بساتين النخيل
في السيح باتلقى مقامه ومنزله
وسلامن أكثر من عد الظليل
وانثر سلام الله عليهم بأجمله
سالم عضيدي راعي اليوده والجميل
كل وحد ن عنكم انشده وأسأله
كم ما بكيت بعبره ودموعي تسيل
أبكي بكى يتيما لي مفارق هله
وابكي على فرق الاهالي والزميل
وفراق خلن لي عظامه معظله
الزمن كسرني وداعني عضيل
والراس شايب ولي عظامن ناحله
والختم صلوا ع مفلت ظبي السليل
وفرض لنا الصوم وفروض ن كامله
***************************
الرد:
من سالم على الكلام الموجه من الوالد خميس بن عامر الداودي
يا مرحبا به صاحب النظم الجميل
ويا والدي لك مرتبه ولك منزله
غالي مكانك والقدر عالي وثقيل
ولو ن نصفنا في الثريا ننزله
وبوصولكم بانزيد القهوة بهيل
والضيف لو يوصل كذا نستقبله
يا داودي يا نبع لك ساسن أصيل
والطيب الغالي علينا نواصله
من وصل الطارش لبيتي بالدليل
القلب مفروشه الورود تجمله
والي ارتوينا من شرابه سلسبيل
ما يستوي قوته وشرابه نجهله
ما نسيتهم أهلي وربعي مستحيل
مسكن غلاهم ما بالسهاله نشمله
هذا الزمن كسر جبالاتن صميل
والآدمي يصبر يتهنى ماكله
والخاتمه هذا مثالي والحجيل
من كان غلطان الولد لا تهمله
محبكم/سالم بن سعيد المحيجري
2017