دمـعـي حبـر وبياض قلبـي لـك _ورق
هااااك وجدانـي من الأعـمـاااق وأكتب
بـوحـي تِعِبِّ يسكـب مـداده من _ أفق
والغـــيم يـقــرأ بـه ويــــقــروه العرب
شـاااعـــر مـن اوجــع ذكرياتـه انخلق
من عمق وجدانه تساقط __ وانسكب
عطني على جرحك صبر عطني رمق
ضيّـق بـي فجــاج الحب تلقاني رحب
نبضي احتـرق . بـل كل قلبي محترق
ليته ترك بي لاضي الفرقى __ حطب
غير الرماد اللي تفحم ___ من عَبَق
وأنته رياحك جااااامحة__ لمـا تهب
جرحي نوارس / شط واحزان وشفق
جيــتك / ادور شمس وغروب وسُحب
ريــح الــموادع _ كـل أبوابــي طرق
مــا ظـل فـي نفسـي علـى الدنيا عتب
كنت اسهرك تحت المطر حــد الغرق
والليل يمـلانـا من اللهفه __ صخب
والعـام نفس الليل يملاني ___ أرق
وماعااد بـ هطول المطر يرمش هدب
علمني سكات الشوق _ لا مني نطق
علمني أحبك غير كـل _ اللي اَحَب
أجمعّني/ من أوجاع الموانئ والطرق
أنا عمري على شوفه عيونك ينكتب
اقسـى جـــروح الحب وآلاااام العشق
لما تشوف إنســان يظلم _من يحب
واحزن حزن بالأرض تشعربه بصدق
لما تشوف إنسان يبكي _من الحب
وأدمى وجـع فـي الحب _ لما نفترق
وكــلاً عـن الأخر _من الأخــر هرب