اقتباس:
المشاركة الأصلية كتبت بواسطة سالم بن حمدان الحجري
أفتخر أني عماني
آه مــنك ياالهواجـــــس اسمــحيلي فـي ثوانـــي
خلي قلبـــي من شــتاته يجمع أحــروف التغـــلي
كثر ما قلت احتــجاجي من مقاضــاته لســانــي
سـرت مكســور الهواجـس يقترن جسـمي بظلي
وكثر ما وزمـت روحي في مشــاكات الأمانــي
أسـرجت خيل المدائن في ضميري صوب خلي
وكثــر ما عاندت حظــي عاندتنــي في زمانــي
سـحب مزن الصــيف ولت لاحتراقـي آه واللـي
وكثر ما عودت نفســي الله من عـطفه عطانــي
تهــرب الأقــدار صـــوبي بالســعادة والتهــــلي
وكثر ما يزدان صـدري بالفرح خضـب جنـاني
وعطرت روحي حياتي مسك وأزهار(ن) وفلي
وكثر ما ولت سنين(ن) من حياتي ســرت ثاني
مثل نجـم(ن) في المـفالي ترقبه عـذراء تطلــي
أه ياكــف التســامح ياكــريم الصـــيت عانـــي
جيــتك أبروحــي ســموحي كلي من أثمار كلي
جيتك أبحب(ن) تنامى بين ناســي وفي مكانــي
تحمـله الســحب الثـقائل في عبـوره وين حلــي
جيتك ادروب ومســالك عن مرورك ما هياني
خذ تجارب وقت عمـري وكيف أفكارك وقـلي
جيتك ابزهر الخمائل مع شــفوقي مع حـناني
مع مســافات الأمانــي تطــوي البـيد وتولـــي
أســمع أبيات القصــائد مع تلاحيــن الأغانــي
من قلوب(ن) يحتويها الطيب وأثمار(ن) تدلي
ياســلام الله ســلامي عشـر واخمـاس وثمـاني
تحمــله أطيـار داري وتنشــده أبلحن المحلــي
تنشــــده أبلال لالــي أو تــرده أبــدان دانــــي
وين ما تبــغاه شـــعري في لحــونك تســـتغلي
آه ياالــعزة الكريمـــة آه يالصـــيت العمـــــاني
أفتـــخر أني عمـــاني أحمـــدك ربي وصـــــلي
سالم بن حمدان الحجري
شاعر الشمال |
سالم حمدان
ما عليك زوووود شاعر واسمك سابق قصيدتك
لك عبق التحيه ايها الرفيق
الجميل.....
وسيدور بيني وبينك حديث على الخاص قريبا
اشكرك على هذا الجمال