[ساره البريكي]

حبني بـــــــالغصب يعني حبني
قلتلك بالغصب يـــا حبي الكبير

أنا أحبك لــــــو سمحت تضمني
يعني طفله داخل ضلوعك أصير

و ان سمعت أهل الملامه تسبني
خل نفسك ما سمعت وسير سير

يا حبيبي لــــــــو سمحت تلمني
شوف حظي عاثر و أصبح دمير

قلت أحبك يـــــــــا حبيبي خلني
أقرا حبي داخل عيونك و أطير

انته قلبك بـــــــالسهام يشـدني
و أنا قلبي طوع أمرك يا الأمير

تكفى كمل هــــــالكلام وحطني
بين رمشك لو يصير وما يصير