حيرت قلبي
ما طقت حالك خلي محـــال *** حيرتني سببت لي خــــــوف
جيتك يمينك جيتني شْمــال *** بعيون نعسا عني تعـــــوف
مره عليَّ الدمــع همـــــــال *** مره تقفي عيني تشـــــــوف
أتعبتني مطــــلاع.. منزال *** مره صحاري ثم كهــــــــوف
دومــك تغطي العين بالشـال *** تنظر بطرفك تحته بـــروف
أدري غرامــــــك فيَّ ما زال *** طبع التغلي فيـــك مألــــوف
خلني بقلبك شــــــوق قتــال *** ليتك تجيني مـــره تلــــوف
تنظر غلاكـــــم قطع وصـــال *** ألفيت منكـــم دوم طيـــــوف
سببت لي في العقــل خْبـــال *** إرفق بحالــــي خلي وروف
ولعتني واشعلتني اشعـــال *** أصبح غرامي فيك معروف
شمّت بي يا زيـــن عـــذال *** صار التهامس فيَّ بحــروف
صعــب تغير وزن مثقـــال *** مادام راسي بين لكتــــــوف
باصبــر على لقياك وانطال *** أمشي معك والقلب ملهوف
يالله عسى يبـــدّل الحــــــال *** يأتي حبيبي صوبنا يطــوف
عبدالله بن خزام المعمري