[غ الجنيبي]

[quote=أحمدبن عبدالله المعمري;50515]وقف نبض الصبح فجأه بعد ما ضاقت الأنــــــفاس
وصار الحزن يطلبني انكـــــــس كـــــــل اعـــــلامي

يقولون الحزن كافر وانا اقول الحزن جســــــــاس
طعن موق الدمع ثم سال حتى غرق اكمــــــــــامي

مدام ان الحزن نابع من شعوري بدون قــــــــياس
ابد مايشبهه غير البحر في موجه الطـــــــــــــامي

ابغرف من بحر هذا الحزن واشرب إلي كــم كاس
صحيح ان البحر مالح ولكن تعبت انســــــــــــامي

بموت إللي حزن موته سكن في داخل الاحســاس
تضيق بعيني الدنيا وتقتل كــــــــــــــل احــــــــلامي

عجز حتى القلم يكتب شعوره داخل الـــــــــقرطاس
عرفت انه بعد موته طبيعي تموت اقـــــــــــــــلامي

أشوفه كلما يصدر إلى صدر السما جـــــــــــرناس
كريم ومدته تسبق يمينه والخلق ســـــــــــــــــامي

أشوفه وين ما قبلت عيني من أعز الــــــــــــناس
قسم بالله يابو سلمان طيفك دوم قدامــــــــــــــــي

عرفت الطيب له ناسه وعرفتك للرجوله ســـــاس
ابد ما خاب بك ظن الفقير ولهفة الضــــــــــــــامي

غيابك ليل يا يوسف بعد ما كنت به نبـــــــــــــراس
وبعدك ما دلج به غير شعري والجرح دامــــــــــي

ينامو الناس لكني سهير بصحبة الهوجــــــــــــاس
تمر ايامهم بعدك و يومي عن مضي عــــــــــــامي

ذوى في غيبتك عود الفرح ثم انكسر به فـــــــاس
وصار البرد يزحف لي كسير ويسكن خيـــــــــامي

عسى الجنه يابو سلمان مسكن حالك ونومـــــاس
وعساه الحزن يــرحل من حياتي ويسعد أيــــــامي



مقال المعمري (ف) النت ياب لخاطري هوجاس
يجر الحزن في قلبي وتعجز وصفه أقلامي

صدمني احداث تاريخ القصيدة وهزني الإحساس
مضى له ثلث حول ولا لفاني خبر الأسقامي

فراق اللي له السيرة الحميدة وراية النوماس
فراق الراشدي يعني لنا من بعده أيتامي

يتاما شعر وحروف(ن) جناد الراس والكراس
شفاء المشتاق وزلال الضمير اللي غدى ضامي

عظيم الأجر صوب أهله على ضرب القدر والباس
عسى المرحوم فى دار(ن) جزاء من صلى وصامي

وأنته (م) الحزن بسك وأنا بشرب عميق الكأس
ولو (ف) الهند متواجد تزيد الغربة آلامي[/color][/color]