بلا آآآآهات مكسوره
بلا برواز بلا صوره
بلا آهـات مكسوره
أنا جيتك وكلي شوق
وجيت اليوم مجبوره
أحمل خافقي بيَدي
وروحي بيد مبتوره
ذرفت الدمع من عيني
وبكيت ادموع منثوره
طويت الحب من أول
طويت الحب واسطوره
نويت أرحل عن عيونك
واصير دروب مهجوره
وأطوي صفحة الماضي
وكلٍ يتقن ِ لدوره
لأنك صرت ما تفهم
معاني الحب وبحوره
سهرت الليل بغيابك
أواسي روح مفطوره
ولين اليوم ما تسأل
برغم الجرح وكسوره
لأنك إنت ما تدري
معاني الحب وشعوره
يجيلك يوم يا ناسي
وتذكر من إهي نوره