لوحة منار الشـــــمــــس - في الشعر الشعبي
بــــلـــد ساسك منار الشــمـــس والأمــجاد
تــربعـــت النجوم أركانها عـــنــوانها ديرة
بـــلــــد دونــك إرم ذات العـــمـــاد أشهــاد
منابر واحة العـــزة لأبراج تـــلــت سـيـرة
بلد قابوس قايدها وصل عـ الوعد فالميعاد
على صهوة جواد العز هلل فجر تنــويــره
عمان بشعبها تفخر وقايدها نــسل أســـياد
يمد الله في عمره وينعم عـ الوطن خــيـره
بكل الود غنينا هـتــفـــنا من عمُق لفـــواد
وفاق حدود كوكبنا وسمّع ناسٍ كـــثــيـــرة
عــمان المجـــد عـمان اليــوم والأحـفــــاد
وكلن يفتخر بأصله وأجـداده مشاهـــيـــره
عــمان وما عــرفـــت إلا عـــمان بْـــــلاد
وهذا عــيدها اقبل قبل توصل تباشـــيــره
بلد بترابها نفخر وقــــائدها سـنـد وعـماد
هواها يسكن فوادي أبد مـا غيرها ديــره
عماني أفتخر اني عماني خالص الأجـداد
ولا أرضا وطن ثاني ولو من دون تأشيره
بلادي حاضرة عز وشهامة صيتها وقْــاد
ضياء العلم وتاريخاً بحبر المجد تسطيــرة
بلادي قادها قابـــوس كفه بالمكارم جـــاد
رقى بعمان للقمة بعزمــاً فاق تصـويـــرة
عــسى ربّي يخـــلّي أهــلــهــــاْ الأجـــواد
الهي ... ما لجأنا بالدعاء لواحدٍ غــيــره