السلام عليكم و رحمة الله وبركاته
أنطرك ...
.
.
.
أنطرِك في عيد ميلادك و اموت
واحظن اطيافك كثر ضامي دفا
إعذريني ما بقى بالصوت صوت
لجْل اوضحلك شنو معنى الوفا
و ارْحميني صار عندي الوصل قوت
هاك قلبي إرحمي جوعه كفى
العُـمُر من دون ما ندري يفوت
(ما يعود العمر لو نوره انطفى)
شي واضح ما يبي بحث وثبوت
لا رحل عن ناظرك ماله لفا
من رحلتي الشوق يبنيله بيوت
والسهر في محجر عيوني غفا
أحتفل بالجرح والْـبسله بشوت
واكتم طعونك بخانات الجفا
إمتلى دولاب عمري بالسكوت
جاوبيني وش بعد هجرك صفا ..!!
كنت خايف من حكاوي العنكبوت
كثرِ خفّـاقي لجِل عينك هفا
قالوا أوهن خلق ربي يا يموت
رَجْلها... ولاّ إذا قفّى قِـفـا
تذبح صغار(ن) لها ذبحة سلوت
أسرة(ن) عن صرحها الحبّ اختفى
إرجعي يكفي الْجفا وشوقي شموت
مبتغاهم عن جروحي ما عفا
ساهر(ن) وانطر يجيني منك صوت
قلت يمكن تعرفي معنى الوفا
خايف(ن) في عيد ميلادك أموت
لو هـُ شمعك ذاب أو نوره انْطفى
إرجعيلي قبل لا عمري يفوت
ما يردّ الروح لا ماتت دفا...
.
.
.