[خالد محمد العريمي]

المشاركة الأصلية كتبت بواسطة الصائغ

زرعت الهم في قلبي وأنا طـــالع من الأبواب
وهذي عيني اليمنــــــــــى تدور وين هو بابك

تخيل عيني اليســــرى تغمض والسبب أهداب
وفجاه..! اكتشفت إنها تـــــداعب طيف أهدابك

مـ تدري في حزن قلبي بسبت فــرقه الأحباب
ولكن عيني اليمنى تعــــــــــــاني كثرة غيابك

يقول الشعر هو دفتر وتبقى هالقلــــوب كتاب
وشكله حبرك الأسود "مشخبط" صفحة كتابك

برغم إن الأنوثة فيك لكـــــــــن الخبث جلباب
وقلبي علق أماله على أطــــــــــراف جلبابك

يسيل الدم من صدري وبيدينك يصير خضــاب
وما همك آلم صــــــدري كثر ما همك خضابك

خسارة وقتي ضيعته وأنا أبدى لك الإعجــاب
أعاني بردك القارس ومعطف صوف بعتابك

تلاقيني بجفا دائم ومن شافك يقول أغــراب
ويتخاطب دمع عيني،وأنت تقول من جابك؟

بدون أحســـاس تتكبر وأنا قلبي عليك رحاب
وتتجاهل دموع العين وتتبـــاهي مع أصحابك

وأقول الحين ما ودي أشوفك جنب هذا الباب
لأني بس لو شفتك بحطــــــــــــــم كل أبوابك


دمتم بود

أخي العزيز(الصـــــــــــــــائغ)

أبهرني كثيرا هذا النص.
أنا في شوق للقائك لكي أسمعه منك

شكرا لك