[جاسم القرطوبي]

(( خرجت المشاعر في مسيرة وجدانية تطالب باندماج روحين في جسد واحد لا تعتد على نداء بعضها إلا بيا أنا ؛ فهل بعد هذا من حب ؟ !
مرت السنون فتغيرا ولكني رغم فراق الأشباح واثق بالتئام الأرواح عاجلا لا آجلا ؛ فلذلك كتبت بعد انفصام التفاهم بين هذين الروحين : -

بنتفاهم يوم والإخلاص بيـــــــــدوم = كالمطر والأرض ساعه و ساعه

وتِّلاقى روح عادت شخص مرحوم = ليه لا ،ما مات من عقباه طاعـه

ونتبادل ورد والجو شاعري، زوم = ابتسامه تعكس الصوره شعاعــه

ساع نضحك ساع نبكي أمر محسوم = حالة الأطفال إحنا واندفــــاعه

ذا كتابي غير ماني فيه معصـــــــــوم = الأمر صادر ويلْزمْك اتباعـــه

ننهي الآهات ونْحِرْ كيد لخصـــــــوم = لي متى نشري وباعونا بضاعه

المشاعر لي عوى في نبْضها البـوم = الحمَدْ إقرا عليها في ضراعــه

والفراغ اللي بأيدينا إذا يْـــــــسوم = كالحبل مقطوع ما نبغي انقطاعه

خلِّنا مع بعْضَنا مقدار ما نــروم = وش يساوي الوقت واللعبه إضاعه

أرتجيك شْوي تواصل شخص معدوم = في أغانيه انزرع حبك زراعه

داخله شي لك أبد ما كان مزحوم = والعشم له في حنايا القلب قاعــه

اسعفه حاضر ويا لبيه محــــــشوم = با تبث روحه عهد روحك إذاعه

يذبل احْساس الورق والذوق مزكوم = يا أنا غير العنا ما خط يراعـه