[محمد المخيني (ود صديق)]

مساجلة رزحه بين محمد ودصديق وسليمان ود خمسات :


قال سليمان : 1
صلوا على من أنسجتله العنكبوت
جبريل خصه بالنزول و اوفده
أنت ف دارك ولا شايم حضر موت؟
ياصاحبي عنك سؤآل ومنشده


قال محمد : 2
وايب صلاه حال النبي بعد السكوت
تشرح فواد المومن دايم تسعده
فدار الجنيبي ماشمنا اليمن ومحوت
ونشكر إلاه الكون دوم ونحمده


قال سليمان : 3
الحمد لله دايم كل وقتآ يفوت
والآدمي يشكر إلهه ويعبده
كيف حال ناصر وحمود وبقيت الخوت؟
من عقب غيبات الليالي المبعده


قال محمد : 4
ناصر فنعمه وحمود اللذي منعوت
كل واحدن شارد ولاحد جيده
حن نعبد الواحد ماعندنا لاهوت
نورن من الله هالظلام يبدده


قال سليمان : 5
ياصايغ الجواهر منك خاطري مبهوت
صوغك تكانه والمثال اتصفده
تبا نتبع قصة النبي والحوت
ولا تصاريف الدنا المتمرده؟


قال محمد : 6
ياساكن الوافي عندي العقل مشتوت
فلم الدنا وكلن يمثل مشهده
الله غالب وإبليس الردي محتوت
كل واحد ن يعرف طريجه يحدده


قال سليمان : 7
لوآ تطول أيامه عمرنا مكبوت
ولو الوقت يركض م يسبق موعده
هذا زمانآ ينقش للدنيا نحوت
وآشيب حاله من سهى ومافنده


قال محمد : 8
لايغرك الخنجر ولالبس البشوت
كلها بضاعه ماتسد وكاسده
طال السفر نبغى نعاذرها البيوت
والا بتاكلنا العيون الحاسده