[عيسى المهري]

صباحكم مساءكم
ورد و ود

سر الإعجاب

فتان بقبالك وبقفــــــــــاك جــــــذاب
يســـابق القـلب النظر في وصــولك
,,
ينصـاب بسهام الســـحر قبل تنصاب
قبل المشــــاعر فيك تبدي ميـــــولك
،،
كن السحر مابين رمشــك والاهداب
والزين كله بين شــــعرك وطـــــــولك
,,
تفتح به ابوابٍ وتقفل بــه ابـــــــــواب
ما كن حــــد مــــن المزايين حـــــولك
,,
مادري مفصل لك مــــن الزين جلباب
مادري اصـــول الناس ماهي اصولك
,,
مدري القمـر يا شـــوق طرز لك ثياب
مدري المشي مشيك أو أنه فضولك
،،
مدري ومدري عندك الْـ مدري جــواب
يالغز صعب الحـــــــل مـــن غير قولك
,,
لا تعجب الْـ ما قلت يا ســــر الإعجاب
ماني الوحيد اللي انبهرت بوصـــولك


عيسى سعيد المهري