[أحمد المعمري]

يانخله لاتضمين التمر وتزملي الأعذاق
ترى ما بجبرك انك من ثمارك تكرميني

الوم الريح يوم أنها تعاكس جذعك المرتاق
كذا وأنتي محيله وهامده أشفيك طمنيني

تعرفي ليش أنا أحرق ف بيتي شجرة السيداق
أخذ م إللي بقى ألوان وبالفطره تداويني

جروحي كلما تكبر لها عندي(1000) ترياق
وأولها قصيدي فحزة المحنه يواسيني

صحيح أشياء كثيرة نايمه في داخل الأعماق
أخاف أني أصحيها ومن نومي تصحيني

يانخله جيتك و لكن بهاالمره اشكتيت أفراق
يانخله وين اجدادي الذي فيهم تذكريني

نشرت الصبح أتقفر خطاويهم من الأشواق
ركبت البحر وادري به فنرهم كان يهديني

وكلما تنظر عيوني بنات خيول أو نياق
تثور بداخلي فزعه ولا (تهداشياطيني)