[عادل الغافري]

السلام عليكم
هذي احدى قصايدي المتواضعة
أتمنى أن تنال اعجابكم


رسالة قلب


مساء الود لقلب مسكنه داري
مساء العطر يفوح بالطيب مفعوله


أبرسم لك محيط الشوق بأشعاري
وأوصل لك رسالة قلب دامني رسوله


رساله حبرها دمعي ومضمونها أخباري
تسولف لك عن انسان عليك يوله


فكري معك واسمك دوم ع الطاري
وحبك غزا قلبي وكل من حوله


صار يمشي في ضلوعي يمين ويساري
يجوب ف أعماق جسمي بعرضه وطوله


حتى استقر وأعلن .... هذي دياري
قام يبني قصور المحبه بأكبر سيوله


حبك زاد باءصراره واصراري
أرسى معاني الحب وأسس بالغلا دوله


الله... يا كبر حبك يا فدوة أعماري
يا حلاة حب يجيني على أصوله


أتذكرك وأتخيلك معي في ليلة قماري
أتأملك وأنظرك بعيون خجوله


أبوح لك بخفايا القلب وأسراري
وقلبي نطق وقال أنك أنتي ميوله


عسى ربي يديم ف قلبك مقداري
ويصبر هموم قلب زادت حموله


أعتذر ع تقصيري وعندي أعذاري
اختصرت الرساله لأنها كانت طويله