[خميس المويتي]

لي ما يخطط للامر بفطانـــــه
لا بد تالي ينهدم بنيانــــــــــــه
ومن تابع الجاهل على ديوانه
بيرد تالي يشتكي خسرانـــــه
الرجل يعطي كل حدث حسبانه
ميسابق أحداثه على برهانه
يناظر ويطلب م الفهيم أ بيانه
وياخذ مشورة لابته وعربانه
بيكون دايم ثابتات اركانــــــه
مرفوع راسه ولا شكى حرمانه
وفالمجتمع كلن يقدر شانه
فعله دليله والحكي فمكانه
راعي المشوره سيرته ربحانه
ولي ما يشاورفكرته عميانه
يقطع لذيبن كاشر ابنيبانـــــه
يوم ما يشوفه ما سمع عويانه
هزره يحصل من نيابه دانه
وعق روحه في وسط بركانه
وأصبح ينادي لابته واخوانه
لول تباها عنهم بعوانــــــه
والرجل بهله عزته مصطانه
ومن دون أهله تنهشه غربانه
أسمع مثالي وافتهم ديوانه
بالود قلبي وضحه عنوانه
والخاتمه ذكروا الولي سبحانه
بعداد براقن سنى فمزانــــــه