[عائشة الفزاري]

المشاركة الأصلية كتبت بواسطة سالم الريسي

ع الفزاري
ياليتنـي ذنبـك وياليتـك الـذنـب
________وياليتني مافوق مـن غرقتـي فيـك

ياليت قلبـك يالغـلا ينكـوي حـب
________تصرخ تبي من لذة الشوق أشفيـك

وياليتني بدنيا معـك مابهـا شـرب
________نشرب بعضنا ياهَنا واهتنـي بيـك

واقول ياهمس الدفا يا اعذب العـذب
_____من شهدك اسقيني وأنا أشواقي أسقيك

أبغى أعيشك وانحتك نحت بالقلـب
_________حب ٍ يولع بك غلا وحـب يطفيـك

أبي تكون بداخلي تعيش فـي قـرب
_______قلب ٍ عروقه تنبضك .. حيل تغليـك

وتضمني في داخلك بـأول الـدرب
_______وفي آخره لو تطلب الروح بعطيـك

ياغايتي تدري الغلا واعذب الحـب
________إنك تذوب بعالمـي وأنصهـر فيـك


الحب له جمالياته وله تجلياته وأنتي خير من يصب الحب ويتكلم عنه بشكل واعي

ويسخر المفردات طوعا لما يريد

لك الف تحيه

على الابداااع وانا أشهد بان النص لا غبار عليه

سالم الريسي

سالم الريسي
إطراءك وسام أضعه بين عيني
شكرا لبهاء حضورك