شـاعـر يـجيـب الـعيـد رغـم انه فقير!
واذا انـبـعـج ثــوبـه بـإيـده يـرقـعـه
وشـاعر يـجـيب الحـزن رغم انه امير
وجـداً حـيـاتـه فـي عـيـونـه مـمتعه
تـصدق انـي أحـيـان لـو أبـغـي اطير
لـ ابـعد مـداهـيل الـفـضـاء الواسعه
اكـتـب بـإيدي حرف مـجهول وخـطير
واعـوذ بالله مـن شــرور الـزوبـعـه
يـاخـي تعـبـت اعـلـمـك ان الضـرير
ضـريـر لـو ظـلـه ضـمـيره وتـبـعـه
مـن حـط عـقـلـه قـبـل افعاله وزير
مـا تاه عـمـره فـي شتات المعمعـه
ياللـي تـشـوف الناس معدومة ضمير
الـنـاس تـبـذر مـا لـهـا مـا تـجمـعه
والله لـو روحـي على الـرمـق الاخير
ســدي ابـوحـه مـع رجـالٍ اربـعـه
رجـلٍ يـعـدني فـالـوغى سيفٍ شطير
اذا اعـتـزى ثـبـتـه قـبـل لا اسـمعـه
ورجـلٍ يمدلي يقول خـير البـاقي خير
واعـرف لـقـوت اطـفـال بيته ما معـه
ورجـلٍ اذا جـار الـزمن بـه اسـتـجيـر
ويـجـيرنـي لـو دم قـلـبــه يـدفـعــه
وطفـلٍ صـغـيـر الـسـن لكـنـه كـبـير
لـو طـاح قـدري وسـط مجـلس يرفعه
جمـع الذنوب في حضرة المال الغفيـر
ذحــاحـهـا فـي الآخـره نـتــجـرعـه
ايوه (فـقيـر وعندي الـمال الـكثيـر!!)
الفـقـر لا هو فعـل عـيـب او فـاجـعه
أحمد المعمري فلك