[أبوراشد العيسائي]

المشاركة الأصلية كتبت بواسطة أحمدبن عبدالله المعمري

البارحه معــزوم في مجــــلس سهــيل::
ضيفه وكرمــــني علــــومٍ صريحــه::

من دلته قهواني البن والهـــــــــــيـــل::
ووليمته اربع بكـــــــار وذبــــيحـــــه::

يوم الاوادم نايمــــــــه والغـــرابـــيــل:
في وسط عيني ليلها تســـتـــريـــحـــه::

شمت ورقيت فـ عاليات الــمداهـــيــل::
ومخوتي اهل العقول الرجـــيحــــــــه::

لما سأل عن حالنا والتــــــــفاصـــيل::
احترت ارد العلم واكبر فضـــيـحـــــه::

اني اقول بخـير فـي قـــمـــة الـويـــل::
ودم العرب حكامهـــم تـــستـــبـيـحــه::

احنا رضينا الذل وللــذل تـبـــجــيـل::
منحوت في صم الجبال السمــــيـحـه::

اجيال مرت لكن نعيش مـع جـــيــــل::
ناسه بلاء والسنـــتهـــــم فــصيـــحـه::

لو القنوف الحاتـــميـــه تهل ســــيـل::
عامين قالو عنها هــي شحـــيـحـــــه::

حـنا العرب ياشيخ والخــيل والـليــل::
والبــيد تعرفنا وأم الـــــــقريـــحـــه::

وحـنا العرب ياشـيخ والقال والقــيل::
نقالته ومن بيــــــننا في شــريــحــه::

توطى العقارب حافيه وتجبر الفــيل::
يفر هارب لــو تكــن هي جريـحــه::

وحنا العرب ياشيخ لـلحــلم تـأويــل::
واحلامنا نهـــنأ بعـــيشــه مريــحـه::

قال اصمتو والصمت احيان تكبيـل::
للـثرثـره وجه وملامــــح قـــبـــيحـه::

اول مصيبه للبـشر مـوت هابـــيــــل::
ولولا غرابٍ ما اندفن في ضـــريحه::

الله لا هانك
وصح لسانك
تسلم