مرحبا السع وش هي اعلومكم عساكم طيبين ما تشكون باس
جعله ربي شهر كريم عليكم وتقبل الله طاعتكم .................
بسم ربي ابدا ..........يوميالرمضاني
طبعا الكل عارف انه الصبح الي عنده دوام يدوام بس الي يعشق البيت اكيد نائم
ومن عقب ما اقوم من الرقاد اصلي الظهر واقعد اقرى جزء او جزئن من القران
وعقبها اقوم واروح اساعدهم بالمطبخ بالي اقدر عليه لانه واجب هب فرض علينا
ندشه بس هب مشكلة كله عشان الاهل يهون وطبعا المطبخ يبله قعدت لين صلاة
العصر واصلي العصر واقعد اقرى جزء من القران وبعدها ادش المطبخ لجد الساعة
خمس ونص الا في تفاصيل صغيرة تصير بس مافي داعي من ذكرها. ........ ومن
الساعة ست لين سبع الا ربع اقعد اشوف احاديث دينينة وانصحكم اتابعون برنامج
( كيف تتلذ بالعبادات ) للشيخ مشاري الخراز في قناة الشارقة الساعة. ست وربع
لما توصل الساعة سبع نقوم بتحضير المائدة حق الفطوروطبعا بتجمع الاهل ؤجود
اخوي الي دومه يقول وهذا يوم وانقضى من اعمارنا ..... ولا امي ترفع ايده تدعي حق
اخوي عشان ما يسافر مصر للدورة تخاف عليه هي تدعي بسرها بس سبحان اسمع صوتها
وبكمل لكم باقي القاعدين ................
ولا خلاص عقب الفطور الكل يشرد يوم يخلصون فطورهم الا أنا اشيل
كل شيء ونروح نصلي المغرب في غمضة عيني نلقى صفرة ثانية حق
الحلويات وقعدة نشوف التلفزيون لين صلاة التراويح وعقبها اصلي واقرى
جزئن من القران وعقبها يا نقعد بالبيت واحد اي يزورنا او نخطط نروح نزور
اهلنا ونوصل ارحامنا ........... لحد الساعة 12 ومن عقبها كل واحد يروح يسوي
له شغل ...... اقعد بالنت ادش المنتدى ولا تويتر ولا الفيس بوك واغلبية النت انزل
ادعية قرانية واشوف مسلسلين وعقبها اقعد اقرى قران لين اذان الفجر .......... نقعد
نسولف أنا وامي ويوم تنام ........... اقعد بروحي احاسب نفسي اناجئ ربي اعيد ترتيب
حياتي لو بالشي البسيط طبعا كل يوم برمضان ولا غير رمضان اخصص وقت حق ابوي
وهلي اتواصل مهم بالادعية للميتين والسوال للحين ........... ترى رمضان هب يوم نكرر
فيه نفس الشي الي نسويه كل يوم غير اذكر ساعد واصفح. ورد ....... بصراحة اشياء كثير
نسويها ولكن. تبقيى. بعضها سرية لعل وعسى نكسب حسنات ........... شكرا اختي ازهار
وارشح من بعدي ...............
خوي. سالم الوشاحي
__________________
"الله لا يُخبرنا بمن يَدعون لَنا سرّاً ويُحاولون حِراسَتنا بالخَفاء؛ لكنَّه يُنير بَصيرَتنا على مَحبّتِهم، فَنتبعُ أرواحِهم دُون إدرَاك منَّا لِماذا نَخصُّهم بِهذا التعلق الروحي"
|