السلامـ عليكم
قصيدة ليست بجديدة على بعض الأعضاء
أتمنى القبول
(دوا المحروم)
دفاي ,,,.انتي ومن غيرك يكون دفاي؟
الى مني فقدت .......الحب تعويضه!
ينام,, الليل في زحمة غبار اشياي!
على........ ذكراك ما للجفن تغميضه
اقاسم,,,,,,, هالنجوم الصاحية ذكراي
وهمٍ,,,,,,,,,, ما قوى ذالبال تدحيضه
سريتك ,,,,, ليلةٍ زرقا وكنت الجاي
تقول:...... أحذر هلاك القلب تمريضه
كذا كان الفراق اجرى وسقت خطاي
جمح فيني الغرور وضقت ترويضه
انا المذنب وكنت ارمي عليك اخطاي
نسيت,, ,, ان الجفا للجرح تنقيضه
تذكرتك .., وانا بجوفي حمام وناي
وعصفورٍ ,,,,,, تبلل واشتهى قيضه
ثقل ريشه .......وطارت دمعته لرثاي
على خدي,,,, اشتعال الجمر تفويضه
تذكرتك,,, وانا المتذكر,,,, المنساي
بنيت الحلم ,,,,, ثم سببت تقويضه
ترا حقك, , تصد ولا تبيح رضاي
جرح فيك الكلام وخفت تحريضه
ومن , ,مثلك تحملني وسد ضماي!
وعن سوء,, الكلام آنفت تعريضه
وانا ظني العذر ملح الرجا ودواي
وإنك ما تحاسب شخص في غيضه
أحبك يرتعش صوتي ومنه اعضاي
تنادي للقليل , ان شئت من فيضه
دفاي,, إنتي ولكن وين ابلقى دفاي؟!
مدام ...الوصل للمحروم تعويضه!