[عبدالله المزروعي]

المشاركة الأصلية كتبت بواسطة حمد الخروصي

((أحلام التذاكر .. )1998- مطار السيب الدولي سابقا

ننعصر حزن وعذاب وغربله لمّا نسافر
كلهم يبكوا علينا غير بعض أحلامنا


كانت النيّه نلاقي يا الحبايب وضع آخر
غير ذا الوضع الحزين إللّي ذبح أمالنا


هيه يالغربه تعبنا قبل لا حتى نهاجر
قبل لا نحزم شنطنا ونتصل باحبابنا


كانت القصه سوال ٍ :لا متى ذا القلب صابر؟
لا عزى غير الغريب يعود يا أصحابنا


احنا نستاهل وجع يا كثر ما ذا العشق كافر
طعن مثل الموت يرحل في حدود أنفاسنا


نوقف وننظر بعضنا ألف بنت بقلب شاعر
وبعض هذا الهم ما جابه سوى أقلامنا


يرفعون الكف يرمون القصائد في الدفاتر
واحنا فينا وهم يضحك في وجوه أحزاننا



واحنا فينا بالمطار اسواط وسيوف وخناجر
ناكل الجرح ونغنّي وش بقى ما خاننا


التراب.. إللي زرعنا ..الشجر.. حتى المقابر
الدروب ..بيوت حارتنا.. البحر.. اخواننا

كلهم في صوت واحد : لاتغادر لا تغادر
والمطار يهزّ راسه ويستفزّ أشواقنا


ما قدرنا نبتعد سوّتها فينا ذي المشاعر
نوقف وننظر ورانا : ويتغيّر حالنا

ننعصر: حزن وضياع وبهدله :لا ما نسافر
كلهم ردوّا ورانا غير بعض أحلامنا

أتمنى أن ترضي أذواقكم

هالله هالله ي حمد يا سلام على هذا التألق