[عبدالله الزعابي]

أنا من بين كفينك شعور يشبه الشعره .. أقولك شي ترى فدوه حياتي لو قطعتيني

أخذت من الصبر .. لا لا .. اخذ مني الصبر صبره .. مدام بغيبتك محد يجي مثلك ويحييني

تعالي يا بعد روح الشعور ويا بعد عمره .. أنا البارح لهذا اليوم أبد ماغمضت عيني

تنفستك شعور وفاح من صدر الغلا عطره .. تنهدتك وشفت الضيق يتنهد عناويني

يضيق الكون بعيوني وأشوف الكون ثقب إبره .. وأشوف الموت ياعمري مابين عيونك وبيني

كتبتك شوق من شفت الفراق بعمري ياكبره .. مو مثل اللي يقول لا إنتي ولا غيرك تذليني

مو إنتي العز ولو ما انتي أقول إنتي ترى وكره .. أصيله والاصيله ماخ لق الله توطيني

واذا ردت على العز الكريم ودوروا صقره .. أنا ليه احلف وانتي تشوفينه بجناحيني

أحبك ينثني هذا الكلام ويرتفع قدره .. أحبك يرتعش هذا النجم يتشكل بطيني

أحبك نور في هذا المسى واقعد على بحره .. أحبك لاتخلين الفراق امواجه تمحيني

يالله وانتي بعيون المسى بهذا المسى قمره .. قريبه حيل في اسود عيوني انتي تضميني

وبعض احيان تكوني داخل ظلوع الغلا جمره .. وكل هذا الوله ماهب من عيونك حرقتيني

وبعض احيان تكوني داخل اشواق العمر زهره .. عشان الزهره لو بتموت تموت وعطرها فيني

بغيت اقول شي لكن او انسي بس على فكره .. هي الحريه اني اختار قيدك وادخل يديني

وانا اخترتك وخليني وسط كفينك الشعره .. اقولك شي ترى فدوه حياتي لو قطعتيني


------

مما راق لي للشاعـــر / سالـــم السيــــار

---

الطير المسافر