اقتباس:
المشاركة الأصلية كتبت بواسطة سعد بن عبدون الجنيبي
أسف على الازعاج في تالي الليل
لكن قلبي ما أستراح اعذروني
أشتقت والله للمحابيب بالحيل
شوقن يحرك هاجسي والشجوني
في حبهم جريت كل المواويل
وفي حبهم كتبت عذب اللحوني
في حبهم شفت المحبه تساهيل
وفي حبهم كرهت من عاذلوني
في حبهم هلت دموعي هماليل
وفي حبهم أرخصت دمع العيوني
هذا وفاء يا مكثرين الاقاويل
وهذي الحقيقه ليتكم تعلموني
كل ماضواني ليل يظهر لي سهيل
نجمن عليه أهل الوله يسهروني
أراقبه وأرشف خيار الفناجيل
بنن يماني كيف من يشربوني
به زعفران وبه شمطري وبه هيل
مع عنبر ومسمار يجلي الحزوني
فنجالن مخمس ويتوارثه الجيل
بدواً على اجيالهم يورثوني
وأخذ مع الافكار سجه وتحليل
ياالله عساهم يا سعد يفهموني
زرعت حب ولا جنيت المحاصيل
هذي مصيبه كان يتجاهلوني
نيران صدري واقدات ومشاعيل
وفكري مشوش ليتهم يسعفوني
تعبت من كثر العنا والغرابيل
وهمن على لحنه اجر اللحوني
يشق صدري مرهفاتن مصاقيل
يوم أنهم بعد المحبه نسوني
كان التعذر بالظروف المثاقيل
ثقل الظروف أتحدهم يذبحوني ؟؟؟؟!!!!
شرع المحبه فيه صعب وتساهيل
وين العداله وين لي ينصفوني
صبري نفذ ما عاد لي بالصبر حيل
وردت على قلبي كثير الطعوني
عزاه يا من له معزه وتبجيل
فعلك يوصلني لحد الجنوني
هل كيف تقسي وانت ما تعرف الميل ؟
وانته على قلبي تقول وتموني
علامه استفهام تحتاج تحليل
عسا جوابك مثل نف المزوني
يروي العروق اليابسات المعاليل
وتريح همن وسط قلبي مخزوني
= سعد بن عبدون الجنيبي |
جميل هذا النفس الطويل والأجمل بأن السماء تحمل سحاب ماطر كيعد الجنيبي الذي أبهجنا بهذا المزن الراقي
يشرفنا أن نقرأ كهذا شعر ويبقى في القلوب الطاهره جل التقدير والشعر والإخلاص من طهرك الجميل وسلاسة شعرك
دمت بخير وتقبل مروري بهدوءءءءءءء