[أحمد سالم الوشاحي]

القلوب اذا اعشقت تعشق باحساس وضمير
وغير هذا .. ما يسمى عشق ويسمى دمار

لا تحاول تأخذ الدنيا ...معج سيري وبسير
ولا تظل تشوف حولك لين م يفوت القطار

دام عندك عزم ثابت.. واجه الموقف وسير
لا يهمك شخص ثاني وانته بيديك القرار

العزيمه اللي تحدك ع الدرب لو هو خطير
انسى كلمة مستحيل وحط بدليها انتصار

كل هذا اللي فهمته يوم في سني صغير
بأذن ربي محققن حلمي على نفس المسار

دنية الانسان تبغي .. مثابره وتبغي مصير
ان بغيت تكون ناجح ... خل لها يكون اعتبار

وكان عندك .... مقدره كون عون ن للفقير
والذي محتاج خلك ... ظل له ف حر النهار

هذي ابياتي بتواضع تحكي عن واقع يصير
والذي يسمع يحاول ... يصنع لحلمه شعار

كلمات : أحمد الوشاحي