با يعين المشاعر و سعو لي طريق
قافلات المعاني وصـــلت لـلزبـــون
ما نهم الخساره لو تـكونو فريـــق
الربى فـ التجاره مثل هدم الحــصون
والتجارة شطاره ربح تبر و عقيق
والخساره خساره تالـيتها ديــــون
مظهري شخص عادي ما يحب البريق
الجــواهر ثــميــنه عــند بعض العيون
لو زمانك يخونك صون عرض الصديق
من تصونه تذكر انت عرضـك تــصــون
الـغـراب الـمقـفي لـو قـفى بالـنـــعــيق
حتـى لـو كان ريـشه مثل وضح المزون
البشر يسنسبونه فـ الزمن جـلب ضيـق
لـو تظـاهر بطـيبه فوق خـضر الغصون
الـحـكـيم المـقـوقس الـفـريد الـطــليــق
ايـتـمنـى بـفعـله يــــستـثير الـجــنــون
الـصـدق كان عـنـده ثـوب ستره رقيق
ما نتشرف نسوق القاف سوق الضعون
الحـمـل فـوق كــتـــفي ثقل لـو ما اطيق
ما تعــودت اتبـع لي بـوجـهـي قـفـــون
سـرقــونا وقـلـــنا يا عـسـاهــــا تفـيـق
حـلم لـيـله بيمضي من يحل الســـكون
لـو بغـيـنا نـزايد م الحـطـب فالـحريـق
ما نهـاب العـواقـب كـيـف يمكن تكون
عـلـموهم سلـيمـه حـالـة اللي غـريـق
دون بـحـره اشاوس يــفدقون البطون
أحمد بن عبدالله المعمري فلك