(( بوحُ الذات ))

[سالم الوشاحي]

اللغز

أنــشــدك عــن بــيـتٍ رفــيـع الــتـصابي***** مــوزون مــابــه عــيــب أبـــداً ذمـيـمي

واللـي بــنــاه أيـــدور خــلـفــه مــهــابي*****صــيــاد مــاهــــمّـــه يـرد الـخـصـيــمــي

ذكـــره ورد مـــابـــيــن آي الـــكـــتـابــي*****ربّـي ضــرب بـه وصف يـتـلـى مـديـمـي

لــجـل الـعـقـول اللي عــتــت فــالـخطابي*****شـفّـاف ويــبيـن الـغــزل بــه نــعـيـمـي

يــظــهـر شـــرات الـثــّلــج حسنه دهابـي*****أحــسـن مـن الـخـطـاط فــنــّه صـمـيمي

مــعـمــار هــو يـبـنـي دقــيـق الـهـدابـــي*****حـايــز عــلى الـحــيـلـه بـفـكـرٍٍٍٍٍٍ حـكـيمي

دومــه يـجـر الــخـيـط وســط اللــعــابــي*****شـروى الـذي فـــارش ويـبقى مـقـيـمي

[سالم الوشاحي]

لغز

لأهــل الشعر خطّـيت مـن نـظم الاوقــاف**********عــرب الـبـيـوت ولـغـز جــرّ اللّـفـايف

فـي مـنـتـدى مـاريـت مـثـلـه مـن اسـلاف**********فـيـه الـنـشـامــا دوم واهــل الـنوايف

ويـامـن حـــداه الــشــوق فــي ودّ لاولاف**********اللغـز محبوك وعـلى الــمـــدّ لايــــف

أنـشـدك عـن حـاكـم عـلى الـدار يـنـشـاف**********أمـره مــطـاع ودوم تـلـفـيـه طــايــف

حـكـمه قـهـر لـمـلـوك واصـحاب لاعراف**********خـمـسٍ تردّه صوب شـيل الـرضـايـف

أسـمـه من الصوبين واضح (ع) لـخفاف**********والــفٍ تـــعـــدّه عــــدّ مــابــه كـلايـف

يــاكــمّ قــرمٍ ردّ مــاحــصّــل أنــصــــــاف**********مــنّـه ولا أســقــاه غــيـر الـحـسـايـف

يصفق خـلّـي الـراح (ع) الــدار لــي لاف***********والــدار تـبـكـي ويـن حــسّ الـــولايف

شـدّو رحـلـهـم والـضّـعـن دون مـسـعـاف**********سـاروا وخـلوا الـدار تلـعـي النـكايـف

يــاويــل حــالـي مـن بـعــد حــال مــاراف**********صــكّــوا عـلـيـه كــــلّ سـدّ أبــتلايــف

ويــالـمـفـتـهم بـان اللغـز دون عـــــــرّاف**********شـيـئاً تــراه الـعـين وســط الــذرايف

راجع وشـوف الحرف مـن بيـن الاوصاف*********وعطني الفسر من كان جتك السعايف

[سالم الوشاحي]

يـامـنـبـت أخـلاق الـمـعـانـي الـرزيـنــه
يـاروح مـن جـنـه ربـت فـي غــزالــــه

أعـطـيك مـن فـيـض الـمـشـاعر سكينه
فـي لـيـلـةٍ زل الـقـمـر عـن مــجــالــــه

وامسى من اجنوح الزمن في ضـغـينه
دونـه تـغـض الـعـيـن قـرب اكـتـمـالــه

أظلـم عـلـى الـدنـيـا ولابـــان زيــنـــــه
ولااظــنّ فــي مـيـفـاه يـلـمـح خـيـالـــه

بـيـن الـسـحب والـغـيـم كامن عـريـنـه
مـتـوثـق الـعـتـمـه مـريــحٍ شــعـــالـــه

حـكـمـه مـن الله ويـكـمـل الـعـدّ حـينـه
سـبحـان مـن صـوّر وبـــر ابـعـدالــــه

أصبر وخــل الصـبـر طــوق وفـطيـنه
مـابار بالـجـام الـصـبـر فـي رجــالـــه

شفني مـعـاك أكـابـد الـجــرح شـيـنـه
دام الـعـمــر بـاقـي وسـانـح مـنـالـــه

أهـديـك مـن عصر الـتـجـارب ثميـنه
صفوة سنين الـعمر واحـزم عـقـالـه

[سالم الوشاحي]

حل اللغز

أهــلاً عــدد مـاهـبّ م الـكوس غـريـاف**********بــارد نـسـيمه وجــرّ شــوق الـرهـايـف

واعــداد مــاغـنـى عـلـى الـعـود عـزّاف**********طــيـر الـحـمـام وشـلّ لـحـن الـمصايف

جـانـي جـزيـل الـشـعـر كــالـسيـل ذرّاف**********وبــل الـكـنـوف الـمـدهـمـات الـمـنايـف

رحبـت بـه تـرحيـب مـن قـلـب شــفّـاف**********مـثـل الـطـفـل لي بـشّ فـرح الـشـفايـف

حـــبٍ غـــلاه وحــبّ شــلـّه بــالكــفـاف**********يــدري دلالـــه يــــوم قــلـبـه رهــايــف

لاهـل الـشـعر بـاقـول مـدلــول لـخـفـاف**********واضح من الصوبـين لـي (باب) نـايـف

(والباب) فـيـه الـمـدّ واضح بـالانصـاف**********مـابــيـن مــدّه صــار بــاييـن وضــــايــف

أسـمـه ظهـر ع الـدار مـن غـير مـنكاف**********أمـــره مــطـاع ودوم تــلـفـيـه طــايـــف

حتـى الـمـلـوك أطـوف بـالـبـاب مـزلاف**********مـافـي حـدث مـن شهم يـخطف غدايف

الا الــذي نـفــسـه رديّـــه بـــالاعـــراف**********ذاك الـنـذل يــازيـن بــيــن الـطــوايــف

وأيدك عنيت الـشـرح مـابه مـن خـلاف**********خـبـرٍ لـقـيـت الخـمس تتكي الرضـايــف

واللـي نـكـف صـفر الخلا ذاك مــاشـاف**********عـقب الرحـيل أتغلـقـت بــــه الـتـلايــف

واقــف يـجـرّ الـشـوق وفـــراق لاولاف**********(والباب) دونـه غلج كـيـف الـسـعايــف

هـــذا بـيـان اللـغـز واللــي بــالاصــداف**********لـغـزٍ غـتـر لعـقــول وابــدى الكـلايـــف

[سالم الوشاحي]

الـعـي صـبـاح ودايـــم الـوقــت مـقـبــور
بـيـن الألـــم والآه تــسـمــع ونــيـــنـــي

مـبطي وعـوقـه يـنـسف الــراح ويـــثـور
كــــنّ الـمـراجـل مـن حـطـبهـا تـلـيـنــي

ونّيـت مـن صـرف اللـيـالـي وهـالجـور
صـرخـة تـهــز الـــدار مـلـهـا عــويـنـي

عـمر الـفـتى مـاشـاخ والموت فـالــزور
غـيـر الـذي بـالـكــون عـالـم يـقــيــنـي

سـاتـر خـفـى الـخافي بلا نقص وقصور
سبحان لــي لــه الامــر واضـح وبـيـني

[سالم الوشاحي]

ياشوق وش بك سارق النوم عنّي
مــلّ السّهــر جفني وضيّع رقــاده

فرقى الأحبّه ســمّ واكــبر فــ ظنّي
تقهر خـفـايـا الروح قـبـل الأبــاده

مـافـاد صبري لـو ملكت الـتـمـنّـي
ابـــكــــي ولا كــنّي قــــوي الإراده

[سالم الوشاحي]

يــاعـازفــه م الطـيب حـلـوات للـحـان
جــرّي عـلـى عـوج الـمحـانــي غناوي

أبـيات مـن نـظـم المشاعر والاشــجـان
أمست شـواردهــا تــهــيــم ابــخــلاوي

أجمع غزرها واكـتب الـشـعر مـيـــزان
للـي فـيـهـيـم وصـايـد الـحـرف غـاوي

عن حـزّة الـمقـصـود لـو صغت ما بان
خـافـي وخـافـنّـه خـفـيـف ابـتـســــاوي

متن الـقـوافي الـشـمّ وحـروف تــزدان
بـاحـلـى الـمـعـانـي والأمـانـي رجــاوي

أسـرج خـيـول الـعـزم واعيش طربـان
بـيـن الـورود الـبـيـض أجـنــح وداوي

وقت الشروق وهبّت الــريف ريحـان
أوكـنّـهـا الـمـشـموم بـالـطـيب ضـاوي

نـفـحـة عـبـيــر وزاده اللــيل تـيـجـان
مـابـيّن الـخـافـي واصـيـح ابـجـفــاوي