صمـــــــت الشـــــــوارع "

[غصون يانعة]

سأضع هذا النص من الارشيـــــــــف القديم واتمنى استحسان ذائقتكم الكريمـــــه


""""""""""""""""""




ودي أبقى في الطريق اللي خذاني للزحام "
وينها ذيك الشوارع ما بقى منها رصيــف"


الدروب هناك تحكي عن تفاصيل الغـــــرام "
والفرح في داخلي أضحى مثل شيخ(ن) كفيف"


ناطرك تاخذ عصاته ترشده درب الســــلام "
ما يبي يشحت عواطف تعرفه شيخ(ن) عفيف"


الشقا حاصر سكيكه كلما حل الظــــلام "
ما بغى يترك مسيره لكن الشارع مخيف"


معتزل في صومعة حبه واحلامه ركـــام"
والسنين تمر طاحت به كما ورق الخريف"


مستوي صبحه وليله لان جفنه ما ينــــام"
آآه يا كبر الغرام اللي سكن جسمه الضعيف"


هاك حالي يا مسافر أنزفه في كل عام"
هـــاك إقرا كثر حبك بين انهــار النزيــــف"


خرسى احلامي حبيبي ما بقى عندي كلام "
بين احلامي ويأسي انحنى عودي الرهيف"


يا رفيق الروح ما تدري أنا بنت الكــــرام
حبها صامت وتأبى في الهوى غير الشريف"


ودي أبقى في الزحام اللي خذاني للزحام"
دام هالشارع تعب يكفي أمرك يالرصيف"


"""""""""""""""""""""