& دلة مشاعر & (كرم حروفكم كيف يسعد الذائقة)

[نرجسية]

بين الوعي واللاوعي أتذكرك وانت معي
ويمرني طيفك وأنا جالس على نفس المكان


يالغايب اللي مايفارق خاطري ولا مسمعي،،،،
يالحاضر اللي مهما يبعد ،،ماينسيني زمااان

[أبو مسلم الصلتي]

كيف التنفس وانا مكتــــــــوم أنفاسي
أشهق ولايرجع هوا قلبي على زفيره

ياليت قــــــــلبي يتقســــــم ولا اقاسي
حتى يفرج كربتي في الهـــــوى غيره

[أبو مسلم الصلتي]

كيف أنساك وانته في حنايا الـروح
.............................. في كل قطــــره من الـــدم بشراييني
شيّدت حبك وسط قلبي وقام صروح
............................... لـَ بعدت عنـّي ترى طيفك يواســـيني

[أبو مسلم الصلتي]

يانايما والفجر أشــرق بنوره
.............................. قوم وتوضا واذكرالله تعــــالى
لاتتبع الشيطان ملعون شوره
............................... أسلك طريق الخير تلقى منالا

[أنور السيفي]

تموت الإيد في نحرك ولونك
اذا مالامست ديباج ضافي

أبد مالمت لي حتفة عيونك
معالم واضحة والطهر كافي

[زياد الحمداني (( جناح الأسير))]

يا ساهري المنظور أو ساهري الشفقان
تثور المآسي ما عطتني خذت مني

لأني كريم وما حشا الطيب عرفان
ولأني كثير التأني الصبر صاحبني

[أبو مسلم الصلتي]

بادليني المشاعر والعطف والحنان
-------------------- بالوجد دوم شاعر لين حــد الجنون
قلت بـلسان شاعر ترجمان الجنان
-------------------- حب صادق وطاهر ماتدخله الظنون

[نرجسية]

بعض البشر متربعين بذاكرتنا
عيّت خلايا الفكر تمحي ذكرهم

نمشي وكنَ طيوفهم وين رحنا
معنا وفي كل الوجوه نشوفهم

مستوطنين النبض وفي ملامحنا
حتى الإسم صرنا ننادي اسمهم

[جريحة الاحساس]

شقى حالي والايام تحسب حسايبها
تمضي بنا وحنا ماحسبنا لها حساب

[صالح السنيدي]

أنادي الود

أنادي الود والفرقا تنادي
يشتت كل من أعلن غيابه

ألا أني لحوحن وأنت سادي
تلذذت بألم صوتي وعذابه

ومن فرط الرجا يخبوا جوادي
وهفوت عالمك شح الصبابة


صالح النورزي