نبرة حزن
تـريّث يـاصـدى صـوتـي وخـفف نبرة الأحزان
تـعلّم مـن نـزيـف الـجرح كيف اصبر على همي
أنــادي والـسمـا غـيمة تـثور بـداخـلي بـركـان
ودفتر من قصيد الأمس على جال البحر مرمي
سـكنـتك بـيت يـاكـبره وشـكلّت بـسمـاك ألـوان
شـربـتك كـاس بـيديـني وأثاري الكاس منسمي
دخـيلـك جـامـل الدمعه !!ترا مهما أكون أنسان
مــشاعــر قـلب تـحكـينـي وأزود حـبرهـا دمـي
كـرهـت الـبيـت بـغيابك !كرهت الباب والجدران
لـيامـن شـفت لـك صـورة تـنسـينـي حـنان أمي
أبـرحـل وأتـرك الماضي وأجدد حاضر العنوان
ابـجمـع مـن شـتاتي قلب واسافر في بحر غمي
تصور لو نساني الكون وصرت بعالم الحرمان
أنــاديـلك .. واصـوّت لـك .. ولاحـتى تـلدْ يـمي
أمـانـه لـو جـعلـتنـي مـسافـر فـي سما النسيان
أمــانـه جـاوب صـوتـي لـجل مـايـحتـرق دمـي
ابـي لـو ساعه من وقتك .أنا ماقلت أبيك ازمان
أبــيك الـعاشـق الـمغـرم عـلى قـلبـي ومـهتـمي
أبـيك تـعيـشنـي قصة ! بطل خاين وأنا الخوان
أبـي كـل الـبشـر تـحكـي وتـتسـابـق عـلى ذمي
على هونك ظلام الليل!! أشوف الليل ماقد حان
علامـك تـلوي ذراعـي !! تـبعـثر فـينـي وتـلمي
حـرام تـشوف دمعاتي وتنسى أني بقايا أنسان
أحـاول اجـمع شـتاتـي وعـجزت الـيوم في لمي
حـبيـبي لـو تـبيـني ابـعد واعـانق دفتر الكتمان
تـعال احـضر عـزا قـلبـي مـادام الشوف منعمي
تـصور مـابـقا فـينـي سـوى بـاقـي رمـد بركان
ودفتر من قصيد الأمس على جال البحر مرمي
