 |
قسم شعبي متنوع
كان جدي من عصورك |
|---|
كان جدي من عصورك
جدي ...
كان يا ما كان
كان جدي من عصورك ... من زواياك القديمة
كان جدي يحفر بصدري بلاد
ويطعن بصدري بلاد
كان يقرا كف سلمى
كان يضمى لما تضمى
كان عاشق للتراب
راحت أصوات الحناجر ولا بقت الا خناجر
طفلة ترفض تموت
وكان يا ما كان
من حكايته القديمة كم عشبه بلا ورق ومعول وفاس قديم وأنفاس يجمعها الارق
من حكايتها القديمة للمساء قنديل يضحك في وجوه العابرين عابرين .. عابرين
كان جدي يحرث الأرض بهمومه / كان حقه قوت يومه / كان ما يشبع رغيف ..
كان جدي فوق فوق ، رحلته لابعد حدود ، كان من حب التفاني كالشجر يهوى الصمود
وكان ياما كان
كان جدي ...
كان جدي للنخل حارس أمين
كان يرويها بدموعه لين ما صارت عروس ، ولما صارت جاها يركض .. جاها يركض هاليباس والنخل ترفض تموت ... وجدي يحلف ما تموت
وطاح غصنك ياليباس وطاح فاس وطاح طاح
ولا بقت الا محاجر دمعة فوق الورق ... أرق أرق
ما كان به أرث يقوم ما كان به مثلي رحوم ـ .............
وآه آه
وين يا جدي عصاك ؟!
وين يا جدي خطاك ؟!
وين .. وين الحين ماااك ؟!!
أعرفك تبكيك سلمى أعرفك تبكيك ظلمى مثل ما تعرف حفيد أعمى
بس مريت بابك مريت سلمى في غيابك آه لو تدري بغيابك
النخل تسال عليك
والفلج يسال عليك
قال : توحشتي يدينه
وتمتمت فيني يدينه
وأنت يا حضره جنابك قالوا مره :ـ
الأرض دونك ما تعيش
ما تعيش ... ماتعيش
وأن قبرك صار نور وبيتك المهجور نور والحواري والسكيك مالها سيره بدونك
( الحواري والسكيك)
بصوت واحد كلنا فدوة عيونك ...
بصوت واحد كلنا فدوة عيونك ...
|
|
|
| | |
