سحابة صيف
حزين ولا معاي إلا الحزن في دنيتي يا طيف
وحيد ولا معاي إلا قليل أصحاب من صغري
كئيبة دنيتي وأكـبر همومي لو يجـيـني ضيف
كـأنه عــارفٍ كـل الشــراييـن بـوسط صدري
خطاي أني بغيت أكسب محبتهم وهم يا حيف
ثــلاث سنين وآلاف الخناجر تسـكـن فظهري
ثــلاث سـنيـن وإنجيل المحبة طاله التحريف
وانا أدري وأقول فخــاطـري ياخي أنا مدري
كأن اللي حصل بيني وبينك هو سحابة صيف
ويتـلــبــد بك إحــسـاسـك سنين ولا بعد أطري
يا جرحي لملم شـْـتاتك تــرا كل المواني زيف
وشفت الموج يستكثر علـيــك تطيب من بدري
حزين وكل ما حولي يبي هذا الحزن يا طيف
ثلاث سنين وآلاف الحناجر تطعــن ف شعري
|
