غير عن الأول
اشـوفـك غـير عـن الأول مصد ودوم متكدر
حـرااام تـكدر الـخاطـر وتـترك بـالـعيون جروح
واذا مني السبب بمشي على عيوني وبتعذر
بـعد نـجوم هـالـعالـم يـليـن تـقولـي لي مسموح
واذا فـي حقك مقصر تعال وقولي لي مقصر
ومـثل مـا تـسلـم حقوقي بدال الحق شل الروح
مـثلـك الـصافـي الـوافـي بـرزين الفكره يفكر
يـقايـس قـبل لايـوقـع ولا يـتبـع دروب الـشوح
دريــنا بـك عـن الـزلة فـطيـن ودوم مـتحـدر
مـديـم تـراجع حسابك وطاري الخير لك مربوح
تـرى الأيـام يـابـن آدم خـبيـثة تـعمـل وتـعثر
تلاطـف مـنك وتـقرب وفـجأة تـطرحـك مـذبوح
زمــنا فــيه مــن طـيب ومـن جـحاد ومـزور
يــجيـلك نـاقـل الـكلـمة ويـاخـذ كـلمـتك ويـروح
يـروح يـزيـد ويـرمـس عـلى مـا يـبى يـفسر
وساد إللي عرض عنه ورده ولا عطاه الصوح
يـقولـون الـذهـب الأصـلي مـحال بيوم يتغير
وقـالـوا قـبل لا يـسقـي المزن من البروق تلوح
وانـا مـحتـار مـن اتـبع غـترنـي جوك المغتر
ذهــب ولأ مــزنــاوي يــغدر بـالـوطـن ويـروح
