قالو عماني

[عباس المسكري]

قالـــو عمانـــي قلت نعــــم عمــانـي
وبقدرة الرحمن لــي بالمـــلأ شـــــان


وكلي فخـر بالله قابـــوس سلطــانــي
يا حــظ شعـباً لـــه قابـــوس سلطــان


حـــاز الشرف قابوس وزين المعاني
مـــن هو مثيله بالبشـــر مول ما كـان


سلطان مــــا مثلـــه بالكـــون ثانـــي
مــلاك فــي طيبة فــي شكــل أنســان


مــد اليميــن بجـود لقاصـي ودانـــــي
ويا مـــا هتف بإسـمه شيــوخً وشـبان


هـــو بانــي الأمجـــاد ويـا خير باني
شيــد عمان المجــد وبعـــزم مـا لان


بلادي عمان الخيــر أرض الأمانـــي
فخر العرب أهلــي مــن نسل قحـطان


تـــراثــنا معـــروف لقــاصــي ودانـي
يشهد لنـا التــــاريخ على مـر الأزمان


مــن زارها داري تـــرى عاش هاني
قــابوس خــلاهـــا للســلم عنـــــــوان

واللــي نـــوى للشـــر لا شــك فانــي
أما الصديق قلوبنا له تكــون أوطـــان