صباحكم سكر ... من قروب ملتقى الشعراء

[محمد الراسبي]

صباحكم سكر ،،،،،،، من قروب ملتقى الشعراء:

يالشاهي اللي زاد فيك السكّر
ذكرتني باللي الحلا به زايد
يعني حبيبي وانت يوم اتفكّر
تطغى حلاوتكم عليّا وايد
تغريدة الشاعر/عبدالله الحكماني
.....

يا بو سعود ارجوك شوف وفكّر
بعض البشر فيهم حلاوه وايد
اخاف ﻻ يطلع معاك السكّر
ويصير منهم سكريّك زايد
صباحك عطر وسعاده
الشاعر سليم بن دهوير الكثيري
......

عندي ترى تطعيم ضد السكّر
مهما السكاكر في دمي تتزايد
وانته عزيز وع النصيحه تشكّر
عساك عن هذي الدروب امحايد
عبدالله الحكماني
....

صباحكم رايق ولا يتعكر
يأهل الجنوب اللي بسمعته رائد
كله حلاوه من صباح مبكر
بايد كدر قلبي بسببكم بايد
الشاعر حمد العويسي
....

تغريدكم ورد الصباح اتمخطر
ربعة شرف فيها المواصل رايد
الشاهد الله ما لمسنا منكر
ما غير عز واحترام سايد
صباحك سكر نزاري
الشاعر ناصر بن سالم الهاشمي
.....

السكر اللي فالملح تتنكر
تطلب على خطّابها قلايد
نمسك على حباتها بالبكر
نفرش لها وسط الحشا وسايد
مبارك المخيبي
....

انواع منها لي يجيب السكر
والنوع لآخر دوم منه بايد
والي يحيس القلب كنه بكّر
هذاك منه معاد عندي زايد
سليم بن دهوير



عاش الشعراء والنشاط اللي فيهم
صباح سكر عدن

[محمد الحجري]

ما اروعها من تغاريد صباحية

صباحكم سكر جميعا

[عائشة السعيدي]

تغاريد جميلة
اشكرك
وربي يوفقك

[عبد المجيد محمد]

كله حلاوه من صباح مبكر
بايد كدر قلبي بسببكم بايد



ليت كل تغريدة وتغريدة بهالجمال
والاجمل الطرح مع الشكر

[أبو مسلم الصلتي]

كلمات جميلة ،،،،،،،،وملاحظتي تكرار القافية عند الشعراء !!
دمتم بخير وشكرا على النقل ،،،،،،

[سعيد محمد البلوشي]

تغريدات صباحية جميلة لشعراﺀ أجمل


شكراً لروعة الاختيار


أسعد الله أيامك أخي محمد

[سعيد الرواس]

عندي ترى تطعيم ضد السكّر
مهما السكاكر في دمي تتزايد

الله الله .. أبدعتوا شباب