مساجلة رزحة بين الشاعرين سعيد بن خاطر السلطي والشاعر أحمد بن راشد السوطي

[محمد الراسبي]

الشبيبة :رسالة إلى الشاعر أحمد بن راشد السوطي
أجمل سلام

كتب - سعيد بن خاطر الصلتي

رسالة إلى الشاعر أحمد بن راشد السوطي :

أجمل سلام أحـــــلاه مغـربي ونافـيه

أغــلاه تبر عسجـد مشاخص أو حـروف

يسري شرى مسرى الـمديـه الساريه

مثل الصبا يـنـعـش مصاعــيب الظروف

لك من قــدانا الأمنيات الصافــيـــــه

لك مــــن ضما يرنا الـتهانـــي بالألوف

يعـلــه الشفا سعدك ونفسك راضيــه

يعــدا السقــــــم حالك بحا لك ما يـطوف

مـتـكـلـّفٍ أسـبح بحــــورٍطامــــيـــه

لكن معي ربـّي الــولي وعـــينـه تـشوف

يا عـــزوتي ذخـــر الليا لي العاتــيه

فخري حمد سـوري يا مـصدام الصفوف

يابحـــــــرلاتجعــل عظامي با لـــيه

ياعــــزوتي فــرقان في هــمٍّ وخــــــوف

بـشكي لــكم حالــة يـتـيـــمه واهـيــه

تــبــــكي وانا أبكـــي وعـبراتي رضوف

أبكي بكي أجرح مآقـــي دامـــيـــــه

أحــــزن حزن يعـقـوب من وجـدٍ وحوف

أحزن حزن بوزيد لكـــن ماهــــيــه

عــلــيا ولاعـبـلـــه ولاشـــبه الهـــــنـوف

ذي حكمـــــــةٍ داخل حشايه نامــيه

فــــي مشاعري ولا خافـقي عنها عزوف

حـــنـيـــّــةٍ حســيـّةٍ مــــــتعا لــــــيه

عـــــــن لمس أطراف الأنامل والكـفـوف

أغلا فـ قـلبي وحتى فـ قـلبك غا ليه

ومظلـــــومــةٍ معهـــــم ولا حظٍّ وروف

شلـّوحسنها حـــــيث كانـت غانــيـــه

شــلـّــوا رسمها قـــربا نٍ حال الضيوف

ماشـــي عطوها من مهرها ولاميـــه

قا لواعـــــجـوزوناهـزت عمر النصوف

وعلى عـــباب البحر صارت طا فـيه

يــلعـــب بها الــمـــوج يـتقـاذفها قـــذوف

تـظـنوا شي تـلــقــى قــلـوبٍ حا نيــه

ولابتـسـطع شمسها بـعــــــــد الكسوف؟

عــــــــذرني لحظا ت الـنهايه آتــيــه

وحـــروفي ما ترقــى لمرتـبـة الحروف .














.....................................................................................












الفضه الكابية





رد - أحمد بن راشد السوطي

صَلـّـوا على من صلىّ بالــزبا نيه

يـــومٍ سرى مـن مكـّه في حفظ الرؤف

أوّل با دي بحا يـي روح الزاكـيـــه

والـثـا نــيـــه ما اقـا وم زخـارٍ يــــزوف

ماقـدرعـلى صعـد الجـبا ل الراسيه

خا يف على حـياتي تزحط بـي السحوف

ويا مــرحبا وأهلا بعـقـول الساميه

سلالة خاطر مابــــين العـــرب معـروف

غــيث الكرم مـقـدام قـلـه الباقــيـــه

حاوي الهمــم هـزبر قسـوري مأ لـــوف

سلام اللـه عــلـى الهمام الــداّعــيه

راعي المعرفــه رجا لٍ عا لي الــوصوف

ياسعـيد تحكي عــن بـنتٍ ماجاريـه

كـبيرة شيمه فــي المعـنى جميله وشـوف

متمشكـلـه وعــنها الخلايق لاهــيه

مسكيــنــــةٍ تأ ذّى جســـمها الــمـنحـوف

تبـــكي بعـبر مـن هــــمّ دنيا الدانـــيه

وآزت عــليلــه ماتـقــدر تـوقـف وقــوف

تصبــح وتمسي مثل فــضه الكا بيــه

وشروى الطوي المحـيله خيرها مـنزوف

زمن الصبا من حوض الكوثر راويه

والحور العـين ترفـــرف حــولها وتـنوف

للــيوم ذابـت تحـت شـمس الحاميـــه

من كـثر الصايــح دمعها يــذرف ذروف

وتصيــح آخــرتنـصرع في الساقـيــه

يوقــف حشاها لـنـّه ذا الزمان صـــروف

دارت تـقاسي المشكلات عــــلانـيـــه

انته شكــيت وغيرك مــ البكي مايشــوف

يالـله استعــين أحسن وإدعوا بعافـيـه

هــيش الفـوايــد تصبـــح كا لنبي مكفوف؟

هــذا العصر طلعـت لحـــونٍ شاديـه

كـلٍّ بحسـّـه ويربـعـــــوا ورا المصروف

ويا صاحـبي أشهد حروفـك زاهــيـــه

لكــن تنادي مــن لـي يســمع الملـهـــوف

لابارك الـله فــي الـنـفــوس الجانـيـــه

هذا جـــــوابي قـــولٍ واضـــح ومصفوف .

[نوره البادي]

ربي يعطيك الف عافيه أستأذ محمد

جميل منك طرح المساجله بالمنتدى

.