لـولا غلاك يـا ( ريـم ) مـا استوعبه
حرفٍ طعن فيني نهش حتى اللحم
مـن حـدتـه شـوفـي لحالي وش شبه
كـنّك تـقولـي ذيـب مـل قـوّة عـظم
يــلهــث ورا أنــفاس شــلّت مـخلـبه
ضـيّع دروبـه صـار فـكره مـنعـدم
يـا ( ريـم ) كانك صادقه بس اشربه
وان مـاكـفى حـرفك عليكي بالسهم
خــلّيــه هــالــمره يلامــس اتــربــه
جــايـز ثـمر فـحواه يـهدم هـالـذمـم
لـو الـزمن يا ( ريم ) درس وتجربه
لـيه هـالمواجع اصبحت هي الأهم
لـو بـشتـكي مـن لـي سـمع يـمعـذبـه
كـلهـم مـحونـي يـوم جـرّيـت الـقلم
حـتى اتـركـونـي في رفوف المكتبه
( قـصه!) غبار الوقت منها ما سلم
يـا ( ريـم ) مـا هي ابجديدة التجربه
مـن سـالـفي قـلبـي حزين ومنصدم
يا ( ريم ) متعب هالزمن يا صاحبه
يـلعـب ألاعـيبـه ويـنخـر بـالـعظـم
يـا ( ريـم ) مـا تـنفـع أبـد هالأجوبه
الـوقـت مـا بـه خير من خافه سلم!
