عشان أرضيك

مدخل
سنينٍ والخيانة دق على بابي ولا خنتك
أدوّر بك رضا ربي عشاني بس أبا ارضيك
سنينٍ وانت ذابحني بعد وتقول ما هنتك
أمانه بس ( أبا الرحمة) واقول الله عسى يهديك

على ملاآآي
يمر هالليل هالدامس ولا ألقى فعيني نور
سؤال وينجرح فيني بكذا فكره فوين ألقاه
كأن الحال أستطعم ظلامي .. / أكلني شعور
أو أنه ما بقى بي حال والموقف بلعني آه
فراشه تعبث بحلمن تمنى تحظن الديجور
وهي تدري كثر ما ماتت الدنيا بقت أفواه
كذا كانوا وانا احصدهم ثمارٍ من اراضي بور
جثث تسقط ويجمعهم ولائي .. على ملاآآآه
أجيني بس أنا ويني وليه اشوفني عصفور
ألملم من بعضهم حلم ياخذني ولا أنساه
ولي لا جيت ازرعهم يظل العود بهم مكسور
كأن المي تحاشا تربته لا مر ولا استسقاه
واظل مثل الفراغ اللي تمنى يمتلي ف شهور
ولا استجمع سوى صرخه تهز الكون يا الله
وجع لا من بغى يمشي على ساقن وهو مبتور
يذر الدم على رمله او إن الرمل في احشاه

مخرج
ويسقطني جنوني بك على أكواخ العنا والتيه
وياخذني المطر والسيل لبعد من مدى فكري

شيخه بنت عامر
أسوار صور