حرقه الناي
 
 
قــم مــر بـي طـيفٍ وبـعثـر حـنايـاي      واســكب مــن دلال الــغلا مـا بـغيـت

خـل الـهوى يـعصف فناجين قهواي      لأجـل أشـربـك واذكـر حنانٍ تقهويت

والله لــو تــدري بــهالـشوق جـوَّاي      كـانـك قطفت العمر من زهرك وجيت

تــسعى لــقلــبٍ ذايـبٍ فـيك لأقـصاي      دوَّر حــنان ولا لــقى غــيركــم بـيت

لأجـلك نـقشـت الفرح في كف يمناي      حـــنّا عـــروس مـــثلــها مــا رأيــت

وأنــشد لــكل الـكون يـا زيـن حـنّاي      تـحكـي غـرامـك في عروقي وناديت

قطر الندى يومه يداعب حرقة الناي      لــحنٍ يــعذِب خــافــقي بــالـنواحـيت

يـا أمـسي الماضي ويا عمري الجاي      قــلبــك وبــس الــلي لأجــله تـعنِّيـت

فــي داخــلي بــينـي وبـينـي وبـرَّاي      لأجل أعترف لك في حضورك تمنيت

وحــبِّيــت أقـبل راحـتك غـاية مـناي      وأطــبع عــلى راحة الــكف حــبِّيــت