المســـــــــــاواه   

أوجِّه الــمعــنى لـمن هـم يـعرفـون      أصـل الـعروبة والفخر بين الأجناس

الـلي لـهم قدر ٍعلى الناس مسكون      لـي ذكـرهـم تاجٍ على العين والراس

الـلي سجدوا منهم إلى باري الكون      تـسجـد بـهم كـل الـحنايا والإحساس

يـدرون حـقَّ الله بـها الدين يدرون      لا مـا بـهم حـاسـد ولا حـد وسواس

الـساهـريـن الـيا سـواهـم يـنامـون      يــسعــون لــلعــليــا بلا عـد وقـياس

مـا هـمُّهـم كـسرى ولا مـال قارون      وسـط الـعتم ما ينعرف غير الألماس

حـنَّا الـعرب فـينـا الـقوافـي يـغنُّون      مـنَّا تـقرَّب مـن بـغى كـسب نـوماس

حــنَّا نــسبــنا بـالـعزم دوم مـقرون      بالمصطفى ، صلُّوا على سيِّد الناس

يــا نــاس يــالــلي تـظنـون تـقرون      فـــرق الـــثريَّا والــثرى إنَّه انــداس

هـذي الـثريَّا نـورهـا يضوي الكون      مـن حـولـها كـل الـمعـالـيق حـرَّاس

بـسِّ الـجذور الـراسـيه يـوم يفنون      تـبقى ظلال أشـجارهـم تـخدم الناس

مـا جـالـهم بـيض الـعمايم يواسون      مـيتٍ بـها يـحيـا لـي مـا بـه احساس
××××   

يـالـلي عـلى كـلَّ الـمحـافـل تلالـون      لا تـــتبــعوا قــوم ٍ مــن الــجاهــليَّه

صـعبة تـرى بـاسم القبيلة تضحون      بــالــمشــتري لــعيــونـهم مـشتـريَّه

إسـم الـقبـيلة جـد ورجـال هـالكون      صـمتٍ عـن الـلي قـاعـد يـصيـر لـيَّه

وش ذا الـذي بـه يـا عـربنا تنادون      بـنت الـعرب بـنت الـشرف والـحميَّه

لـي طـرفـها ربِّي أمـركـم تـحفظون      الـــطاهـــره ، الـــشامــخه ، الأبــيَّه

نـزَّل بـها بـآيـاتـه الصدق يوصون      مـــيراثـــها حـــق ٍ عــليــكم عــطيَّه

حــقٍ لــها تـحيـا كـريـمه ويـفنـون      سـود الـحجـر مـا جـابـهم بـالوصيَّه

عـزَّاه يـا قـلبٍ عـلى الـدين محزون      لا صــــارت أصــــولـــنا مـــنتـــهيَّه

والــحق لـه ربٍ إلى بـات مـطعـون      يــنصــفه يــومٍ فــيه الأمــوات حـيَّه
×××××××    

يـا سـيِّدي قـابـوس هـالناس يبغون      وأد الـتي فـي عـهدك الـميمون حيَّه

بـاسـم الـتطـوُّر والـمساواه يخفون      ســود الــنوايــا والـنسـاء الـضحـيَّه

حـربٍ بلا سـيفٍ بـه الـحد مـسنون      أســـبابـــها بــاتــت لــنا جــوهــريَّه

حــتى الــلغـه نـار ٍ عـليـها يـشبُّون      مــــنهـــاجـــهم ذمَّ الـــعرب والأذيَّه

قــرآن ربِّي لـلعـمر دوم مـحصـون      حـــروفــهم فــرض ٍعــليــنا ســويَّه

رجــالـكم يـا سـيِّدي مـن يـشيـدون      إســم الــقبــايــل كــيف تــبقى نــثيَّه

واجـدادكم لي سطَّروا المجد قانون      يــوقــف لــهم رمــز الـقبـيلـه تـهيَّه

هـالـناس شـرٍ والـحقد فيهم سنون      يــبغــون هــدم الــلي بــنيــنا سـويَّه

والـمرأة اللي عزمها اليوم يخشون      سلاحــنا لا صــارت الــدنــيا ضـحيَّه

وشــعارهــم مـولاي لابـد يـمحـون      حــتى الــقواعــد لــي بـالآيـات جـيَّه

هيهات يا من دون الإحرام تسعون      فــي عـهد قـابـوس الـعدالـه سـخيَّه

جـيتـك وأنـا يـا سـيِّدي كـلِّي حزون      وقــتٍ بــه الــتاريــخ مــا لـه هـويَّه

أنـشد بـاسـم الـلي خـلقنا بها الكون      وأدري الـعدالة فـي سـما الـحر حيَّه