 |
قسم عشب الليل
الجرايد |
|---|
الجرايد
قال لي مره صديق
ايش تكسب مــ الجرايد ؟
قلت : وايد ..
أكسب أصحاب وطريق
يا كثر هذى العوايد
قال عايد ..
شعرك الـ كله حريق
أيش يثمر من فوايد ؟
قلت : وايد ..
يفطن الحر الطليق
والذي به الود قايد
وهوه لي راحة غريق
لا بدى لي العوم كايد
قال لي : فهمي يضيق
ايش تقصد من شدايد ؟
قلت : وايد ...
الهوى وظلمه نطيق
والفراق الصعب زايد
ليش ما نبكي ونفيق ؟
ليش ياربعي نحايد ؟
والجرايد ؟
قلت : هي قلب رقيق
هي مراسيل وشهايد
تنشر الحلم العتيق
من تباريح القصايد
قال : تأثيرك عميق
قايد من ظهر قايد
قلت: بسلك لو تليق
ايش سبة هالقلايد ؟
قال : وايد..
|
|
|
| | |
