الجرايد
قــال لـي مـرّه صديــق :
ايش تكسب مـ الجرايد ؟
قلت : وايد ..
أكسب أصحاب وطريق
ياكثــر هــذي العوايــد
قال عايد :
شعــرك الـ كلّـه حريـق
أيش يثمـر من فوايـد ؟
قلت : وايد ..
يفطــن الحــر الطليـــق
والذي بـه الــود قايــد
وهوه لي راحـة غريــق
لا بدى لي العوم كايـد
قال لي : فهمي يضيـق
ايش تقصد من شدايد؟
قلت : وايد ..
الهـوى وظلمـه نطيــق
والفراق الصعب زايد
ليش مانبكي ونفيـق ؟
ليـش ياربعـي نحايـد ؟
والجرايد ؟ !
قلت: هي قلبٍ رقيــق
هي مراسيـل وشهايــد
تنشـر الحلــم العتيـــق
من تباريــح القصايــد
قـال : تأثيـرك عميــق
قايـدٍ مـن ظهـر قايــد
قلت : بسـك لوتليـق
ايـش سبـة هالقلايـد؟
قال : وايد ..
|
