 |
قسم متنوع
طفلة حروف |
|---|
وأنتي بعيني نجمةٍ
تحضني هذا السماء
أبتْشعلي كل الفصول
اللي أنثرت فيني الدجى
ضيّ نما
يستأنسك نبض الشعور
أنفاس من حرف وقصيد
أبسألك ليه تسكني
في وسط أهدابي مرايا من حضور؟؟!!
وأسألك وأنتي على كتفي لعْبتي طفلةٍ
تشاغب الظلمة بنور
ليه عاد جيتيني ملامح من بياض؟؟!!
ليه عاد كنتي من جروح الهم أسطورة وملاك؟!
والشمس ما قد لاعبت إلا ظلام من ورق
ما قد شاغبت إلا ترانيم الجروح
من يوم ما كنتي بها الدنيا تمريني يمام
جيت أسألك مره وقلت
وش هؤْ أنا لاجلك بشوق؟
تعرفي لولا هذا الشوق؟!!
ما عرفتك!
ما سألتك!
ما طلبتك!
تك
تك
تك
خطوتك تقرع هنا في وسط قلبي
وجه موسيقى وسلام
لو لهذا الشوق
ما كتبتك !
ما وهبتك !
قلبي اللي لو حضرتي بين أوقاتي تطاير لك حمام
أبتعرفي ؟ إنك على صبحي توّرد خد شوقك؟؟!!
وأني أنا حاولت أحرث للمسافة طبع ذوقك
بس تعرفي
إنك على عمري مداين من صباح
وتعرفي
إنك على ضلعي تقاسيم ومطر
أبْتنثري غيثك
حروفٍ بللت روحي شعر
وإنتي وطن قد ورّق الصبح بجبيني
إشتعالات الحنين
يا إنتي تفاصيلي القديمة
المتعبه حدْ الذهول
أبتعترف أنك سكنتي
دنيتي ..شوق وفصول
وإني وهبتك دنيتي حرف وشعر
لأجل المسافة اللي بدت
في وسط شرياني
سلام وأحلام من ذكرى الضباب
أبْعترف إنك سكنتي في عروقي
طفلةٍ ما بين الليل بيديها
إلا أنا ... وشوق أنا
|
|
|
| | |
