 |
قسم متنوع
الأرجوحة |
|---|
شربت الابتسـام ، أول رذاذ بـ .. يسبق الضحكة
جبر كسـر الزمـان اللي خـذلني ، وجفوة سنيني
تبي أشهـى عصـافيرك تبـوح وتنتفـض ربكـة
تبي أجمـل تعـابيرك تقـول وتغـرق فـ ..حيني
دخيل إطلالتـك ، إطراقتـك ، إغضائـة العركـة
دخيـل الجوهـر اللـي شاكس العنـاب . كافيني
أعرفك ، وأعرف اللي يكتنف هـ .. الروح يا مكة
ومن هو أدرى بشعابك ، سـوى قلبي ونبي عيني !!
قريت أشهى الكـلام وأجملـه ، يا طيبـه ومسكه
ومـريت السطـور الصاخبـة تسـأل : عناويني
ونفـس الانحنـاءة الحـائـرة تجتـاحني وعكـة
تأرقني ، بـ .. تشعـل هاجسي ، نار بـ .. تكويني
نعـم ، تقتـاتني ، تقتـاتني ، واقتـاتهـا حبكـة
تمـرجحني احتمـالات الجـواب ، وتعبـث بطيني
وأنا هـذا التعـب ، ارث السنين ، وغلـة التركـة
على وجهي يرتله العـرق ، رسـم بـ .. يعـريني
يسامـرني غـلاك ، ومـا حصل لي جيت في سكّة ..
ولا سامـرت بشّاتـه ، تضَـوّي هـ .. العتم فيني
أمـل يـومٍ نضـوّي له شمـوع وبهرجـة وكعكـة
ويفرش لي معَ وجـدي حـريـر الأرض في سنيني
|
|
|
| | |
