مثل الوعل.. مفتوح المسامات
عبي ، عبي
عبي ، عبي
هذي الممطوطة العنق
هذي المفرغة من مايها الغازي
بجرعة واحدة
في شهور السطوة المتزايدة للشمس
هذي المرمية بلا مبالاة
للكسر
للإنغراس برجل غضة
للتشظي المؤذي
وْللا صلاحية
وللإهمال .
أنتشلها هـ الخيال المبدع الخلاق
من موت وتلاشي
عبي ، عبي
جوفها
بالتراب الرملي
واصرخ
بما أوتيت من نشوة :
عنبـ (اااااااااااااااا) ــــر . . عنبر
والرفاق تصيح جذلانة معاك :
عنبـ (اااااااااااااااا) ــــر . . عنبر
والتحدي يحتدم
وْتبتدوا "جوش" جديد
وأنت تسرق غفلة الحراس
ممتلي بروح المغامر
لجل تفرغ "كزمة والا كزمتين"
بداخل الناحل
وتتفادى الكرة المقذوفة مثل السهم
الكرة المنطلقة مثل اللهب
لجل تقصيك وتصيبك
وأنت مثل الوعل
مفتوح المسامات
للجهات اللي تربص بك .
وعين تراقب "الغرشة"
وعين تحاذر الضربة
وتتحين فرصة من "مخابي" الوقت
توووووووووومض .
|
