طفل فوضوي

خلف هذا الوجه طفل ٍفوضوي      مـمتلي لعب وْأهااااااااازيج وغنا

لا يـغرّك هَ الـوجـوم وْتـرعـوي      صـفحة ٍمَ اسْتـوعَبـت حفل السنا

أي حـيز وجـهْ يـمكن يحْتوي ؟      كــلّ طــاقــات الـربـيع الـلي هـنا

طـفل .. ما يهدا شغبْه وْينزوي      فـي مـحطّات الـهدوء ، وْيـذعـنا

حـي ٍوْيـحيـيك ، ويـزيدك دوي      م َ افْتــرت نـاره ولا عـزمـه فـنا

لا نــهمْتـه مـثل هـبّات بْدوي !      ينبري مثل السهم ويقول : أنا !

فـي حداثته اذكر انّه يَ الخوي      راودتْه الـــلي تْفـــرّد بـــالــغنــا

مَ انـفلت له هرج كنّه في طوي      لــحمة لـسانـه غـدت طـوبة بـنا

ذيـك كـانـت أوّل خْسـارة غوي      وكْبـرت فـي صدره عْصارة عنا

أذكـره قـالـت له الوردة ارْتوي      وأذكـره لـوّح له الوضح ، وْرنا