غبار الصمت

يــا لايـذٍ بـالـصمـت مـا عـاد يـكفـي      بـوح الـعيـون بـصادق الـود يـلفـي

مــا يــفضــح الـمشـتاق إلاّ عـيونـه      مثل الضياء والماي لو جاد وصفي

فـي نـظرتـك مـرسـال ود ومـشاعر      لـلشـمس طـلّه مـا بـقى شي مخفي

أنفض غبار الصمت بكفوف همسك      قـرب عـسى بـاقـي لـيالـيك تـصفـي

إمــشي مــعي كــفّك بــكفّي ولايـف      وإن أتــعبــك حـملـك يـلبـيك كـتفـي

إحـمل عـليـه مـن الـهمـوم الـثقـايل      غـطاك رمـشي وإن تـوسـدت كـفّي

ودّي أطــرّزبــك حـروف الـقصـايـد      وودّي أعــطربــك مـسايـيل نـزفـي

يــا غـالـيٍ عـن كـلّ غـالـي وغـالـي      مـلهـاك عـينـي والأراجـيح طـرفـي

أهـــون لـــك كـــلّي إذا قـــلت كــلّي      وأهـون لـك نـصفـي إذا قلت نصفي

وأحــبك الــمقــبل إذا جــيت مــقبـل      وأشـتاق لك مجفي إذا رحت مجفي

وإذا كــتب ربــي أمــوت بــغرامــك      يـا حـلوهـا مـوتـه ويـا زيـن حـتفي

لـــكن أمــانــه لا يــطوّل ســكوتــك      بعض الحكي لا عانق السمع يشفي

لا تـستـعيـر الـصمـت لـلشوق ساتر      وإنـت بـعيـونـك كـل الأشـواق تلفي