درب السفر
مــليــون مـرة احـتمـي مـابـين جـنحـانـك وريـش
وأنــا أرفــرف لــلوجــع يـاطـير هـجان الـمطـر
كـلمـا نـويـت أهـجر عشوشك ما لقيت الا عشيش
يـعنـي احـلق للسماء وارجع إلى حضن الشجر
شـوفـي عـيونـي مـانـبت مـن حـزنها الا الرعيش
وانــا ضـماي الـصيـد يـكثـر لا جـناح ولا مـفر
وانــا يــتيــم الـعافـيه مـاصـابـني بـندق شـويـش
غــير الــمطـر يـتلـف جـناجـي لا بـقايـا لـلعـمر
واهيه تسولف للمطر عن غصن اشجار الشريش
وانا احتمي عن صيد طايش ما حمل الا الحجر
صـياد والـبنـدق بـكتـفه وأ خـتفـي تـحت العريش
ويــطخ كــل طــير يــحلـق ف طـريـقه أو يـمر
ويـمر مـر الـقمـح الـمعـسل بـين ارجاء الحشيش
ويــموت كـل طـير يـفكـر يـأكـل حـبوب الـثمـر
وتـعددت أسـباب مـوتـي صـيد وأمـطار ورشيش
اوجـوع يـاكـل لـهفـتي مـن شده أوجاع الخطر
وانــا الــقط مــن ثــراهــا عــيش وإلا /لاتــعيـش
كـل شـي يـصبـح لـك مـخالـف لـلعوائد والنظر
يـامـصوبٍ جـنبـي الـبنادق هذا عصفورك وطيش
دامــه تــدور الــدائره نــفس الـمحـاور أحـتذر
الـصخـر مـرفـا لـلنـمل ويـمد حـبلـه مـيش مـيش
وانـت تـدوس الـكبـريـا مـحفـوف انـك تـنتـصر
عـصفـور كـان بـداخـلك تـسال عـلومه ليش ليش
لان الـعصـافـير الـجمـليـه قـررت درب الـسفـر
جـيت احـتمـي مـليـون مـره بـين جـنحانك وريش
وانــا ارفــرف يـا وجـع مـحتـاج هـتان الـمطـر
